Abstract
Una (e de segur pas la sola) lectura que se pòt faire del primièr roman de Joan Ganhaire, "Lo darrièr daus Lobaterras", es de i aplicar l’analisi que fai Tzvetan Todorov del recit fantastic. Lo roman es bastit amb una estructura particulara : conten dos recits que l’un, presentat coma contengut dins un manuscrit descubèrt de sègles après son escritura, es imbricat dins l’autre que conta la descubèrta del manuscrit. Aital, lo libre a doas debutas e doas fins. Es aquesta estructura qu’anam estudiar aquí en ensajar de mostrar son eficacitat per bastir l’atmosfèra fantastica.